成長篇
才女篇 
"才女"-灰鸚鵡係我第一隻鸚鵡,第一次見到佢,我就俾佢活潑性格吸引,所以就買左佢,不過因我對養鸚鵡知識少,養了不到一個月就病了,佢病得好厭重,快要死,才女生病時我不停喊,每一次同才女打針食藥後才女都好乖要我抱住睡,佢好瘦,唔肯食野,我好膽心,好彩我識到幾位好朋友,幫我同才女,因我想放棄,唔想才女再辛苦,唔想佢唔開心離開,而我心好痛,一諗起才女就喊,家人都話才女快死.......最後得這幾位朋友幫我,慢慢康復過來,而且還令才女肯食番野,現在才女成長了,好健康,講好多野,好開心............
塞內加爾鸚鵡.."飛女",比起其它同類來說佢身型好細,但佢好乖,初初養佢時咬人咬得好勁,我十指都流血,我想唔要佢,賣返出去,後來都唔忍心,用左3個月時間,日日同佢玩,上手,有D迫下佢嫁,咬我米唔放手,忍下痛,吹下佢,好惡say no,慢慢佢好聽話,唔咬人,仲識講野,因這種鸚鵡講話能力唔高,但飛女就幾叻,好彩我冇賣左佢,如果唔係我真係一個好衰主人....
第一眼見到佢就好喜愛,花仔係折衷鸚鵡(所羅門種),唔好睇書話佢地好靜呀~一碌木,佢地如果係人工繁殖,好鬼貪玩嫁,不過真係好靚,花仔係香港出生,3個月大我就帶左佢回家,當時都要餵奶嫁,有一次因佢太百厭(其實係我大意),佢隻腳俾toys勾住左.倒吊左係籠,流好多血..我一見到佢都冇晒力,冇聲,好慘~~~我全晚抱住佢,好彩...一星期後佢就好番晒,百厭性格又來,hehe..佢真係好可愛,學野好快,不過就比較惡死,霸道,成日蝦其他雀,花仔係一隻你見到佢好想抱佢的鸚鵡~~~
一隻我又愛又恨鸚鵡,星仔係加丁氏鸚鵡,佢咬人好痛,因個咀都好大,俾佢咬住唔放嫁,我點教佢佢都係咁,佢唔係有心咬你,佢係唔小心咬一下都死~~不過佢係好乖,唔嘈,講說話叻過飛女,佢都病過,今次好彩我識多左,學多左,一發現佢病就醫佢,好快好番,原來佢食多左,消化唔到...唉!!!!!!鬼咩,佢好大食...連其他雀食唔晒佢都食埋,肥仔一名....呵
豬仔篇
一隻好乖好聽話的lovebird,但佢身世好可憐,本來係一個好主人親手又bb餵大,有過眼疾都醫好,好跟主人同個女,佢女兒好鍚佢,不過好不幸主人有病,可能因為主人有病時,心情不好,給主人打鬧過,為唔想豬仔受苦,主人都好好幫佢搵新主人要,咁我知道後就收養左佢.
龍仔龍女篇
一對好特別顏色lovebird,上手主人的lovebird生左唔養送給我的,因唔係人手餵大,所以好驚人,我要一年才可以上手,但都唔多跟人,不過佢地有陪就都唔會悶,好好動,成日飛來飛去,所以我要好小心放佢出籠,又愛多事,成日飛去豬仔籠叫豬仔,豬仔都怕左佢地,hehe~~~不過佢地好Q嫁~~~~~
靚仔(藍白)俊仔(黃色)美女(紫藍) 
靚仔係megapet做promotion時,買夠一個價錢野送,朋友佢唔要我要,係我第一隻養的細品種鸚鵡,好靜,本來有隻女陪佢嫁,但我唔小心飛走左佢女朋友,米買返隻俾佢,買俊仔時以為佢係女來的,但回家睇清楚才知佢係仔,激死...為有再配過一隻,就買左美女......可惜靚仔同俊仔太好朋友,同美女唔多夾,我只好等佢地日久生情啦~~~~~~~~
我是否一個好主人??如果是,為何上天又要帶走靚仔和俊仔....他們相繼離開,我心只有希望他兩在彩虹橋開開心心吧!!!
公仔芝女
公仔又係俾人遺棄,朋友搵唔到人要,我米要囉~~點知係佢唔慣or悶,成日叫,好嘈,我米買隻女陪佢囉...佢有女朋友陪佢係冇嘈,但佢地唔多夾,公仔好忍芝女,知唔夠芝女打就行開,食野讓女朋友先,幾個月後,佢地開始有好轉,我見公仔同芝女r頭仔啦~~~~~
嗚~~~~~~2004年12月14日.........公仔走了...........我永遠掛念你....
恐龍仔
恐龍仔係大白葵花,佢係我最後一隻鸚鵡,亦係最後收養的鸚鵡,佢都有3-4歲了,佢主人點解唔要佢,係因冇時間,大白葵花比較黐人,如果同佢玩開突然唔去理佢,佢好多時都會有咬毛出現,恐龍仔就係其中之一,佢胸口前半身係冇咩毛的,而且好驚人,男性更加,所以我初初照顧佢時都幾吃力,佢地又愛咬東西,我已給他咬爛兩個籠了,慢慢佢開始習慣了,但由於佢前主人末同佢出過街,曬太陽,佢好驚太陽,一見就縮回我手臂下,唔敢見人和事物......我多帶了佢出街後佢好開心,有一次佢不停跳下,叫下,拍翼,好似小朋友去在遊樂場玩咁開心,我也心中笑了出來,恐龍仔開心了........
恐龍仔已經出了好多針毛了,身體亦好了好多,肥了...佢開始變成一隻好可愛大白啦
cute 女
一隻可愛black-face lovebird,因cute女老公仔飛走了,上手主人不想再養,就把她送給我,一隻可愛的lovebird,也是一隻很有母愛lovebird,因沒有巢箱就把自己胸口毛拔去,嚇了我一跳,致電話給上一主人,才知她愛巢箱也愛生蛋.....如果沒有巢箱就會拔毛,真的氣壞,只好給巢箱,一給巢箱,就不停生蛋...到現在己有十隻了,當然沒有受精,希望可以和豬仔合拍成一對,開枝散葉啦~~~
Back