苦與樂

這裡是同大家分享我養鸚鵡時開心事,趣事,苦事...................

1. 我養第一隻鸚鵡是灰鸚(才女),回家不到一個月就病了,仲病得好嚴重,才女好瘦,不肯進食,好彩識了幾個朋友佢地都好幫我. 當時我每日早晚要為才女打針,要餵佢食藥,買了好多才女愛吃東西引佢食......
   
   每次才女打完針就好快走上我身,我抱住她睡,她好疲倦,但佢都用雙眼望一望我,頭貼住我胸口, 慢慢入睡.每天早上我都好驚一打開籠布好就走了.....佢唔肯食野,只有強行用管打入食道,佢會好快嘔反出...在我不知道點算好下,我喊不停,才女緊緊貼住我,在這時,我遇到一個養鸚鵡朋友,我唔識佢,佢好樂意幫我帶回她家幫我餵食和照顧,又好好彩遇到另一位朋友,佢又幫我接著帶才女回她家住了數天,一來我可以休息下,二來她用方法令才女食野.............好開心,才女住了她家第二日就肯自己食野,仲食得好多,佢好餓.....我接了朋友這個消息後開心到喊起來~~~好快第二日我就接才女回家,才女就回復以前一樣,活潑好動......係這些日子來我好膽心,好多人都說死的機會好大,我又試過想放棄,唔想佢再打針食藥,才女好慘樣子我唔想再見.....好彩有一些朋友幫我,鼓勵我........現在才女一日一日長大了~~~~~~
   
   
2. 第一次聽見才女講野好開心,佢一見我起身就講一句"hello"...我好開心...之後才女就學講野學得好快,不過學雀仔叫,新聞報導d音樂聲,電話聲都好快,有時都唔知係真聲 or 佢扮,,,,,有次電話響,我叫家人聽電話,家人話一拿起就收線....如是者,連續幾次....後來才知係才女扮電話響.....激死我,我大笑~~~~
   
   
3. 花仔(折衷),回家時都要食parrot milk.....早午晚,都幾辛苦,我下午唔食lunch都要趕回家餵佢,因如果唔餵飽佢花仔佢會放聲大叫...啞)))))))))好嚇人....有時我真係比佢震聾..
   
   
4. 花仔都試過有一次因為玩具時俾個玩具勾住隻腳,我回家時都不知道,只見佢倒吊在千秋上,以為他在玩緊,因佢平時好百厭,成日爬來爬去,點知我一行近個籠時,發現滿地血,原來佢不能落地.....隻腳擦傷了.....我第一時間要止血,餵佢食milk,我要抱住佢睡,因佢冇力,好疲倦....驚佢跌下來....慢慢過了一星期佢就好番,回復以前一樣......日日玩倒吊爬行.....呵~
   
   
5. 飛女本來我冇心買嫁,係honey見一位雀友隻塞內加爾反轉又反轉米愛上了,要買反一隻....所以我話唔好睇人果隻好就買反隻,飛女返來就咬人咬到死死下..我地本想賣反出去嫁,不過最後都唔忍心,hehehehhe~~加上價錢唔ok囉...之後我米用我不死精神,俾佢咬到唔咬,結果成功........佢不知幾乖,任我摸,不過就唔識反轉打關斗囉,反而佢講野就好鬼叻,真係有好有唔好.
   
   
6. 嘩~~~~~~講到咬,星仔真係點教都咬人好大力,知佢冇心,但一咬就出血,又係又係honey見到佢好特別就買左,連佢咬到唔敢點,我就好d,星仔唔多咬我,但都有嫁~~~~不過我地今次就冇諗過唔要佢,因真係覺好衰....
   
   
7. 豬仔lovebird係因上手主人有病唔能夠再養所以我收養左佢,起初豬仔好怕人,好自閉(食完野就入屋仔唔敢出來玩),原來係因上手主人因病對豬仔叫聲反感而經常拍打豬仔籠.令豬仔好唔開心,來到我家,我有一個月唔見佢玩,聽唔到佢叫嫁,後來慢慢我日日用手試餵一些生果佢食,打開門任佢出入,佢開始活潑,而且仲識我一出現就叫兩聲,好似叫我開門俾佢咁,佢好乖嫁,一叫佢入籠佢會叫一聲後就入去....hehehehe~~~~~佢真係乖到你唔信
   
   
8. 恐龍仔......我第一次見佢,佢就跟我,從冇咬我,而且唔會大叫,佢都係上手主人唔要佢,就想賣左佢,後朋友叫我去睇下,一睇就跟我回家了.其實買左佢時都發現佢咬毛,本來想唔要,心想驚佢有PBFD.後來証實佢冇,再加上佢真係好乖,好黐我,但我都估唔到佢咬野係好勁,牠咬爛了我2個籠,我好唔開心,好驚,我唔知點好,好想唔要佢,不過只是腦海閃過....我就買好多玩具,俾多D營養,慢慢佢D毛出番好多.....我都好安心了....
   
   
9. 恐龍仔第一次曬太陽.....係真嫁,3年來末曬過太陽,沖涼係俾人捉住用大水喉噴,第一次出街見到好多人,佢好驚,好怕,完全唔敢望,我要抱實佢佢才定......慢慢....每個星期天我都帶佢去公園見多D人,佢開始習慣,對太陽唔驚,對人多唔驚....有一次還好開心好開心跑來跑去...跳跳下....好似一個小朋友第一次去遊樂場....好開心....我見到~~我好開心,好開心...開心到我唔知講咩...我真係見佢咁開心,我有D想喊嫁~~~~~
   
   
10. 星仔....一隻咬人好大力鸚鵡,佢好多時在不覺意下好大力咬我,我睇書才知原來佢地係天生咬人好大力,好難改變,佢地只要不喜歡就會用咀.....即是"咬"來表示.......唉!!!!不過佢乖起來就好乖喎...要你摸佢......所以話有時養鸚鵡前真要了解清楚.....
    
    
11. 豬仔現在比起初來我家時好好多了,我只要坐近佢籠,我一開籠門,佢就走上我大腿上梳毛~~~好開心樣子,有次仲係我大腿上想睡覺....當然我一動佢就跳上籠頂,但比我感覺佢係知我好鍚佢..
    
    
12. 恐龍仔第一次出街啦~~~~佢去好遠參加GATHERING呀~~~~佢入左籠袋內就好驚,四處走動想出來,當然我唔可以放佢出來啦.....為有等到目的地........
    當到了目的地,我一放佢出來,佢就先四處望,然後給我抱實,我帶佢走一走,看一看,有朋友見到恐龍仔就摸佢,我都來不及叫不好時,出奇地,恐龍仔唔咬人喎,仲好ENJOY....呵~~~~~~原來一到陌生地方,佢會純如羔羊..
    
    
13. 今日12月14日,公仔走了,我好唔開心,公仔有事係一日之間就好快好差,早一晚還好開心食粟米,食豆,昨晚不知何事突然急跌磅數,冇神,我即時分籠餵藥,夜深看他還好好企直直....但想不到今早一開籠,佢就已經走了~~~~~~ 他是被人遺棄,我收養佢只有半年時間,需然我好少同他玩,但他都係跟我,一叫就會上手,我也為他買一隻老婆仔,佢地兩個剛剛才開始有溝通,互相梳毛,估不到他這麼突然走了.我好對佢唔住,我給他關心少,我希望佢下一世會做一隻人見人愛的鸚鵡, 公仔.....你上了天堂啦,我會好好照顧芝女,你都要睇實佢,要佢健康呀. 公仔,媽媽 I LOVE YOU
    
    
14. 飛女的毛一日比一日差,我好膽心,四出問有經驗人士,上綱online問獸醫,好多答覆都係話飛女換毛期間唔夠鈣,所以換毛會差,現在我改用一些維生素去幫飛女,希望對佢有幫助.
    
    
15. 昨晚12月16日花仔病左,佢不停嘔水,可能佢食滯了,唔消化,加上折衷個腸道比一般鸚鵡長,所以會好易腸胃炎,好彩,家中一向有keep一些急救藥物,我即時用藥,花仔嘔了兩次後,今早一開籠精神好好多了....
    
    
16. 今晚花仔已經好了好多,不過可能我近來少給生果,所以花仔消化差了,我買了好多車厘茄,花仔食了好多,好開胃.希望佢明天會好.便便正常啦~~
    
    
    
17. 今日18號,花仔好了好多,只差一點點,等佢便便多些正常,膽心了數天,今日算安樂一些.
    
    
18. 衹從公仔死了,我都好唔安樂,因對他不公平和少了對他關心,所以對芝女,我有少少內久,見到芝女一個好悶,但我知我如果我再買一隻仔反來陪芝女未必係好事,因佢地一來唔一定相處和平,二來我又會好似對公仔一樣,冇時間俾佢地,所以我決定幫芝女找一個好主人,好幸運,我好快就找了一個養了數隻雞尾的雀友代收養芝女,其實我這樣做唔係唔想唔要芝女,係想芝女有好日子過,生活得開心.
    
    
19. 今天我至電收養芝女主人來電,說芝女好開心,還和其中一隻仔仔好夾,一齊食,一齊玩,又去打韆鞦,又玩玩具,我好開心,芝女生活得好好, 有時想一想,如果自己真係冇能力照顧,不如真的幫牠們找個好主人,反而大家也開心,不過我不是鼓勵貪一時高興而養,之後就放棄,而是為鸚鵡找一個好主人要俾自己更愛的.
    
    
20. 今日收到個不幸消息,芝女了走了~~真係不明白,突然離開.......我和芝女主人都好唔開心.....真係本身有病嗎??
    公仔和芝女的死,令我覺細雀比中型雀難養,因佢地一有事就好快~~~一不留心,真的很難救.
    
    1 2
    back