預防

  1. BABY PARROT

    好多雀店都會話3-4個月大鸚鵡已戒奶,有些可能是真的,但好多時佢地只是剛學食合成糧,而末必真的食落肚,只是咬碎的,這時佢地會經常不停叫(因佢地好肚餓),你可試用手指由上向鸚鵡咀指下,睇下佢地有冇不停張開口想食野,這時佢地可能要餵奶了.....

  2. 家中必須品:

    電解維他命 : 有助鳥兒因病,受驚,環境改變,腹瀉,拒食而脫水.....保持鸚鵡細胞可以得到營養去對抗細菌 (當鸚鵡發病時可先給電解和葡萄糖飲用,然後趕快看醫西)

    益生菌 : 可用於在病鳥食完抗生素後或鳥兒食慾不振,營養不良....有助腸內益菌生長,增強吸收

    止血用品 : 雲南白藥,雙飛人等....當鸚鵡受傷時用....如危急時冇,可用生粉代替

    拑 : 當鸚鵡因玩樂時/拍翼時/失足時..令雀毛折斷而大量出血,就要即時拔出.避免失血而死

    針筒 : 有助清洗細小傷口,餵食藥物

    暖爐 / 暖膽 : 當天氣突然大幅度下跌,防生病時失溫........鳥病時要左30-35度氣溫下休養

  3. 家居用品要小心 :

    易潔爐具 - 過熱會發出毒氣,令鸚鵡聞後不適,嚴重會死亡
    熨斗 - 過熱也會發出毒氣,對鸚鵡也會引致死亡
    風扇
    一些尖銳有角傢俬
    座廁 - 小型鸚鵡,如LOVEBIRD會因飛跌落水廁而浸死
    抽氣扇
    玻璃窗/門 - 鸚鵡不會擦覺而飛撞去,撞擊嘴部流血或令腦震盪而死
    魚缸
    拜神香燭
    煮食爐
    盆栽/花泥
    暖爐

  4. 鳥籠內也要小心 :

    唔好以為係鳥籠內就好安全,好多時意外就係在鳥籠發生 -

    有些鳥玩具容易俾鸚鵡咬爛而做成尖利,弄傷眼部,咀角.
    有些主人會用兒童玩具給鸚鵡,小心有些會脫色,咬碎令鸚鵡誤吞,所以買時最好選講一些給1歲以下兒童玩具.
    有些鸚鵡有上腳 鏈 or 8字扣,小心會俾食物兜,門,籠接駁位纏繞,弄傷腳.
    有些鳥籠可能枝與枝之間相隔太大令鳥兒頭部伸出而弄傷頸
    有些玩具會有一些繩做成,小心因過幼 or 大雜亂而纏繞鳥腳甲,當鳥兒用力反抗時把腳甲扯破
    留意鳥籠有冇損壞,脫色,生鏽.
    鸚鵡是好聰明動物,好快學識跟你手勢去開鳥籠門而走出,破壞家具,飛出窗外等等.
    如想一對鸚鵡共住一籠,一定要確定她們喜愛對方,否則會俾另一方追打.(這情況在lovebird常見)

  5. 想想人有壓力會唔好,但原來雀有壓力都係對健康好大問題. 好多時鸚鵡因為壓力大而令佢地出現咬毛,拔毛,過度梳毛,不進食,病,最嚴重可以即時死亡.........

    如 :

    當你買一個新籠回來,不要即時放她入去,要給她時間,令佢自己入籠, 可以放一些喜愛食物,玩具入新籠,令牠覺冇威脅性,牠就會對新籠有安全感

    新玩具/新企棍 也一樣,要給她多望幾天,你常在佢面前玩下新物件,佢見你玩得咁開心,佢就會放心.

    所有新事物,新環境對雀來說都係有危險性.佢地 一定驚嫁.就算你一式一樣的物件,佢地都分得出新 or 舊.
    所以唔好不理佢地感覺呀,驚起上來,佢地會亂飛亂撞

    如你本身有一隻愛鳥,你再買一隻回來,一定要先隔離6星期,以免交 叉感染病菌,另外不要冷落舊愛鳥,牠們也會小氣,葵花,灰鸚就係最好例子,好多時因有新鳥來,佢地有壓力,覺主人唔要佢,就自殘,咬毛,拔毛或過度梳毛

    擺放籠位置都要小心,有些細雀要避免有大種鸚鵡在佢頭上或隔離,因對佢地來講就好似一隻大麻鷹一 樣,令牠們不安做成壓力.

    所以當你發現愛鳥經常大叫,不停梳毛,咬毛,拔毛,企埋一邊唔玩,食野少....就要找出是否有些東西令佢不安啦.

  6. "MED" = QUIKON MED

    MED 是一隻純生物而冇副作用的粉,不可叫藥,但功用就對一些初起小毛病好有幫助

    可以殺死以下細菌

    沙門氏菌(副傷寒熱病)
    大腸埃希氏菌(腹瀉: 冒汗的憔悴),
    巴斯德桿菌、
    各種各樣的鏈球菌、
    葡萄球菌和棒狀桿菌
    真菌
    假絲酵母、麴黴菌
    球菌

    另一方面可以杜以下蟲

    Meleagirdis 線蟲
    Ascaridia (蛔蟲)
    Capillaria (蟯蟲)

    用法 :

    杜蟲/預防 = 第一次用,連食3天,之後每3個月一次.

    治療 = 就要連食5天,停2日

    原裝盒內是有一個measring spoon,3 grams for 1 kg糧(治療) / 1.5grams for 1kg糧 (預防)

    因med最細size都有75grams,對養少雀雀友來講會比較大size,而且都不平宜,所以批發商會散拆10g一細樽出售,我就計過每次太約用一粒米分量(杜蟲/預防),如果治療就會用兩粒米分量.

    本人親身過案 :

    花仔(折衷)12月05年因未過期奶粉但變壞我不知,起初不停飲大量水,然後就不停嘔水,我就先給"med" + "nystatin",即時見停止嘔吐,再連食5日med,結果康復了.

    星仔(jardine"s) 一次唔小心食了有問題nuts,即時有吐出之後就不食,我即時餵食med,3日後康復.

    lb 和彩鳳便便爛和黐patpat,食med2日後改善.

    只是小小提議,買來看門口不錯,有時小小病早醫好快冇事,唔好下下都去食抗生素,當然大病和用後都冇好轉就要快看醫生吧

  7. Nystatin = Mycostatin

     具有抑菌及殺菌作用,由念珠菌 (Candida abicans) 引起之口腔及腸道感染。對parrot來講係一種冇抗藥性而又安全的止嘔殺菌急救藥,可和抗生素同用

    好多時parrot baby都會有在食奶時素囊有霉菌出現,主要係餵食parrot milk唔正確,令parrot baby未能完全消化所有milk,而未消化食物留在素囊而變壞,令霉菌產生

    當parrot 素囊有霉菌,parrot會不正常嘔吐,飲大量水,又再嘔.

    4-6小時一次,食0.5ml - 1 ml 都得(樽內有吸管刻上ml數),直接餵食,當停止唔嘔...再食多一日確保殺死細菌
    這藥唔怕食得過量,以我病雀經驗,我多數給1ml.

    其實可以唔食其他抗生素,only食nystatin都得.但如果食其他抗生素就會加埋食佢,因為好多抗生素都有抗藥性會令一些菌變惡,但nystatin不但冇抗藥性而且可以幫手殺死惡菌

    Nystatin 有好多出產地和包裝,常見有Australia.各大有"R"藥房都有
    內是一樽奶樽形連吸管的玻璃樽,黃色液體,聞上去甜甜地

  8. 小心食種子糧,爪子,花生...

    香港天氣潮濕,就算你好好包裝放入雪柜,也可能因你經常開關雪柜而令溫度經常改變,就這樣一隻好可怕的毒素會繁殖出來,這是 黴菌毒素 , 好多時輕微變壞人類係不察覺,但對敏感的鸚鵡來說就好危險

    黴菌毒素 包含有 黃麴霉素 (aflatoxin),曷麴毒素 (orchratoxin), T-2 毒素 (trichothecene), F-2 毒素 (zearalenone)

    主要是當種子受天氣溫差影響,黴菌是靠種子內營養而產生繁殖出來,因此只要溫度和濕度配合就會產生大量黴菌.

    病症 : 體重下跌,下痢,肝臟受損,出血,消化道潰瘍,...嚴重可死亡

    預防方法 : 可在種子糧上加上"Mexsil" 黴治

    Mexsil 黴治 係 可以防黃麴霉素,只要係加入種子糧上,如果萬一parrot食了有問題種子,mexil會張黃麴霉素包住..排出體外








    ---待續