品種

灰鸚

　

有名你叫灰..身灰色,需然冇大多數鸚鵡有鮮艷毛色,一歲前佢地尾巴都有d黑黑地,bb毛來的,長大換毛後就有一把火紅色尾巴,好特別,其他鸚鵡搵唔到. 灰鸚係一種非常聰明鸚鵡,說話能力非常高,可以講出意思來,如:見你關門出街就說byebye,見你俾食物就多謝,你叫佢早晨,佢就會回應你一句"你好嗎?"當然你要俾d時間去教佢啦,但佢地一係唔學,一學就好快上口,而且佢地有50年壽命,你唔好諗佢會走先過你,所以最好俾佢接近多d人,等佢習慣與其他人相處,好多書都話灰鸚好靜,其實佢地一講開野就會成日講,佢地學音調比較快,有時都幾嘈嫁,灰鸚都幾小氣,而且識呷醋,好似小朋友咁,要你成日留意佢,呵~~~有時我同其他雀出街,冇才女份,才女會唔理我,唔出籠背住我,我就要同佢傾下計,say sorry,佢好似知咁,好快就會乖乖上手啦...所以你地唔好當佢係一隻雀...其實佢地係你家庭的一份子

　

　

塞內加爾

　

灰色頭綠色身,個樣好似賊,有人叫佢迷你灰鸚,因佢都係南非品種,有三個亞種,紅腹,橙腹和黃腹,原身種係黃腹,胸口有v字黃色毛.
佢地就比較內向,講野唔多,好多都好愛咬人,但都好愛跟人,佢地係好易緊張,所以初初養會咬人咬得好痛,真係要好有心機去教,我見好多人都話佢地like咬人,hehe~~但飛女就唔會啦,因我付出左好多血.....呵

佢地表現反轉打根斗都幾叻,佢地只要跟上你,會乖乖任你攪任你摸,都幾靜嫁,唔嘈,細細隻上膊頭一路玩電腦一路陪住你

　

　

折衷

　

男=毛身係綠色,橙黃嘴,女=毛身係紫紅....唔好以為佢地好似書講好似木頭(野生就一碌木),如果係人工繁殖品種係好活潑好動,講野多,有時會突然大叫,好攪笑,講野好慢,女惡過男,所以要買一對就要小心,好多時女成日會打/咬仔. 折衷有十個亞種..最大隻叫大金尾,條尾金黃色,最細size係所羅門,香港常見係紅邊折衷...要知佢地咩品種,有時真係幾難分.

折衷比較易習慣新環境,好快就會跟人,花仔就成日跟人上手,激死~~呵

　

　

加丁氏

　

香港好少有,同塞內加爾係親戚,有3個亞種,身背毛色係黑色斑紋,成鳥頭頂,翼邊和腳有橙色細毛,好特別,個嘴好大,咬人好大力....星仔就係咁啦.但有時佢都唔係刻意咬,想借力就咬左你大力都唔知...呵~~~~

講野好過塞內加爾,幾清,音調高d嫁,不過唔嘈,對d鎖扣好叻..叻唔係開係咬爛佢...hahaha~~~

　

Lovebird / 彩鳳

　

最多人養和常見,顏色多,不過養得2-3隻以上會比較嘈,因佢地叫聲都幾尖.

　

Lovebird,香港都有好多人繁殖,而且有好多特別色.佢地好易交配,生開就會生,不過女好多時都好惡,買時最好買一對,唔係日後想配番一對會好難,因驚女打仔...真係打到仔死嫁.分男女都唔易,當然驗DNA最盡確,但好多養開lovebird朋友都會睇佢地行為和體重分,男比較靜,女比較好動,男輕過女.

　

彩鳳,以前好多人養雀都係養彩鳳先,現在好多彩鳳都係大陸入口.有一品種比較大隻好多人叫大頭彩鳳,多是英國or荷蘭入口.彩鳳係日本係獨立訓練佢地講野,但我果幾隻...只係當我唱歌..hehe~~

　

　

小葵花 (雞尾)

　

女仔尾部有斑紋,男仔就冇,都識講野嫁,但係唔多..hello幾句姐..有好長尾巴,面珠有個紅蛋黃,呵~~~都幾可愛.灰色毛係原身,黃白色,珍珠色和有些一黃一灰都係繁殖出來,可能係灰+黃生出珍珠色啦,又可以灰加珍珠又生灰黃色,不過都係灰,黃白多~~

有時係雀店見一些頭頂冇毛,唔好信末出毛呀,果d係DNA問題,唔會出毛嫁,

雞尾小朋友養都唔錯,易上手,不過我就覺幾嘈,初初我養一隻,好鬼嘈,加多隻女俾公仔就好好多啦...但佢地一傾計都好高音.......死味^^

 

雨傘葵花 (大白)

大白..睇名都知全身白色,有白冠,好黐主人,同好多葵花一樣,開心受驚都會起冠大叫,佢地叫起上來都好勁,但只要俾耐性去教佢地,大叫係可以改善. 個咀好大力,可以連籠都咬爛,所以要俾好多野玩具佢地咬,仲要好小心看待佢地,因佢地比較活力好動,愛四處走,所以會咬傢俬,電線等...要小心.
大白個樣好優,好得人愛,但這也是佢地缺點,因太黐人和玩,會有時因不滿足而咬毛,拔毛~~所以養葵花品種要好好考慮清楚你有冇時間