飲食
-
鸚鵡食主糧係好重要,好多鳥店都有不同主糧給我地選擇.....如 : 瓜子,尖粟,合成糧即pellet餅仔形狀,有些有顏色,有些冇色,有些係有機,所以我地可以因唔同雀唔同喜好去選購.
瓜子 : 平,但營養唔多,而且鸚鵡會食瓜子肉後,瓜子殼就會掉出四周 or 蓋住食物兜面, 多食容易令脂肪過多,會令雀有心臟病和影響對鈣吸收,不過金剛種鸚鵡是要多一些脂肪的,所以金剛可以給多一些瓜子,花生類食物
合成糧 : 已經有不同營養合成,有不同size給不同鸚鵡,而且價格有平有貴,比較多選擇
合成糧中有些有色素和含動物性脂肪,鸚鵡食後會排出有顏色便便,對鸚鵡是不太好.
生果糧-主要係花生,脫水生果等為主,營養不多,過多脂肪,而且花仔生容易變壞,不可以當主糧,只可以當附食品.
粉狀合成糧 - 有些牌子合成糧係粉末,好似蛋粉,其實和餅仔狀合成糧一樣,只是這些糧沒有壓成粒狀.
**有些鳥主會把餅仔合成糧打成粉狀餵食
-
鸚鵡BB期,如果餵食正確和安全,對佢地日後成長好大幫助,所以係 BB期餵食要小心
餵鸚鵡bb方法
餵bb有好多方法,分別有以下幾種 :
匙 / 針筒 / 胃管 / 不銹鋼管
匙-- 好多時會用來餵食lovebird, 雞尾bb,但分量難計,慢,messy,和難控制
針筒-- 多數人會用,比較匙快,乾淨,容易控制,但濃度較高飼料難吸入/出,會錯誤弄傷鳥咀
胃管(膠管or不銹鋼)---比較以上快好多,乾淨,控制分量準確,但一定要對鳥控制得好,要快手,要有經驗,容易傷弄食道 or 嗦囊
工具 :
各鳥店有不同容量和形狀針筒,要找一支你合適針筒.
有d針筒針咀可能過長,如要修剪一定要再把口磨滑,否則容易弄傷鳥咀.
水溫計
保暖杯
玻璃杯
磅
開奶 :
先用倒一杯45度開水(請用水溫計check),把parrot食奶粉所要分量加入保溫杯,慢慢倒入開水,其間用水溫計攪動,直到奶粉攪至溶開,形狀像花生糊,剛好滴落,不要太多水分,否則鳥兒只是飲水飽,尿也水分多.
奶粉攪拌後太約要左38-42度,然後用針筒吸入餵鳥.
手法 :
面向鸚鵡咀,你的左手位對住鸚鵡就是鸚鵡右面食道,左係呼吸道,鸚鵡食奶時會關呼吸道開食道3-5秒,我地要由你右手面向鸚鵡左邊斜向打入鸚鵡食道,當鸚鵡張口進食時,用手輕輕抬高鸚鵡頭,快手地把奶打入口中,當鸚鵡想反抗時,就放手....有些parrot好乖會自動開口給你餵食,你也可用手幫佢地托高頭,等奶可以快些流進食道,也會食得乾淨一些...
注意 :
食前先把所有工具高溫消毒
食前把鳥先磅重 (記錄下來)
食後再要磅 (一樣要記錄下來)
再等下次餵食前我地就再磅,這樣我地會check到鳥兒消化的時間和快慢
記得每次餵食前最好用手摸下鳥兒嗦囊是否消化之前食物,如有大量就等一陣 or 給牠飲5-10ml水幫助消化
每種鳥和生長期都有不同分量和次數餵食,請先問清楚,吾則會另鳥兒過飽 or 過饑,做成死亡.
餵奶後要給鳥兒安靜環境休息,不要同佢玩,否則會反胃吐奶
如見鳥兒食完奶後就有少量嘔吐,可能你餵得太多,這樣下次就要減少分量.
如有拒食,不要免強.
如有大量 及 不停嘔吐.請即求醫
餵奶小影片 : 開奶 餵奶
-
除了主糧,我們可以給新鮮生果,蔬菜等食物.....但要清洗乾淨,放於空氣中不可以超過1-2小時,鳥兒唔食就要取走,以免滋生細菌.
注意 : 菜要清洗乾淨,以免有農藥.波菜,最好不要給鳥兒吃,因波菜,有一種叫草酸鹽,多吃令鳥兒嘔吐,腹瀉,抽搐.
-
豆有好多營養,如鳥兒好瘦,不防給鳥兒吃........如紅腰豆,扁豆,眉豆,紅豆,綠豆等等.....但我不會給黃豆,因黃豆食得多容易下痢.綠豆,火麻仁有清熱功效.
我每星期都會煲豆給鳥兒吃的..
方法=先煲熱水後,用文火煲豆20分鐘,熄火焗10分鐘,後隔水待暖後給牠們吃,有時我會在煲下5分鐘前加一些米...
有些鳥主會種發芽豆給鸚鵡吃,因營養高,少脂肪,高蛋白質.
一般超市都有一包包雜菜(青豆,粟米,紅蘿蔔),好方便又平,用熱水過一過解涷就可給鸚鵡吃.
從一些鸚鵡有關綱上提及過豆類,南瓜,胡蘿蔔如果熟食比較生吃為佳,因經煮熟後蛋白質和纖維質都容易吸收
-
不宜生食：小白菜、莧菜、地瓜葉(蕃薯葉)、空心菜(通菜)、菠菜和大多數薯芋類
-
水......一般最好飲用過濾水,排去綠氣,如發現水質太差,可以給礦泉水,但蒸餾水就不要給了.
茶..也有草酸鹽,最好不要給鳥兒飲.
-
鈣對鳥兒都好重要,因有助鳥毛生長,骨骼健康.好多人會給墨魚骨/鈣,但鳥兒係吸收唔到的,一定要曬太陽才可產生維他命D而令鳥兒吸收. 最方便就係俾有維他命D鈣粉.
不過太多鈣又會令鳥兒肝臟唔好,生腎石,加速指甲,咀生長過長.
-
維他命
鸚鵡最需要係維他命A和D3
維他命D3 = 鸚鵡係不能單單食鈣 OR 墨魚骨吸取,一定要加上曬太陽轉化才可令身體產生維他命 D3.
維他命A = 可以又食物中吸取,如 : 紅蘿蔔,蕃茄,芒果,辣椒(子天椒)....(少少tips..生果越新鮮和顏色深就越多維他命A)
維他命B雜 = 有助減壓,一般可以又香蕉取得 : 如牛奶蕉就比一般香蕉多維他命B
-
瓜子,花生,果仁,合桃...等食物,一定要冇用鹽制,只可以當小吃或訓練時給獎勵,食太多一來對主糧不太興趣,二來會令脂肪過高......而且要小心這些食物容易變壞發霉產生一種叫"黃麴毒素",如不幸食了,會令鸚鵡失重,減慢生長,下痢,免疫收損,肝臟受損,消化道潰瘍...**小心小心
-
除了開水,也可以給天然果汁,不過生果一經榨汁後就好快流失維他命 和 纖維.
-
雞尾和彩鳳比其他鸚鵡難轉糧,所以一定要有耐性和決定食那一種糧. 轉糧期,可以在水中加入鸚鵡葡萄糖和電解質,防止因拒食而脫水,冇能量和營養.
不要在鸚鵡生蛋,生病,大換毛期轉糧
-
babyfood(嬰兒菜),原來鸚鵡都可以當作小食,如果你冇時間去買新鮮生果,可以買定下一些粟米蓉,雜菜蓉,紅蘿蔔蓉比鸚鵡食,如果當鸚鵡病時冇餵口,食奶期,一些唔喜歡食生果鸚鵡或可加入一些維他命混合來餵食,對佢地都好好嫁.
-
鸚鵡其實可以食肉嫁~~不防可以餵食一些雞肉,魚肉和蝦仔(去頭),當然只是用水煮熟不加任何調味
-
燕麥即麥皮也可給鸚鵡吃,但一定不可以加糖加奶.
-
南瓜,木瓜,車厘茄,芒果含豐富維他命A,對鸚鵡非常有益,如你飼養灰鸚,折衷,玫瑰葵花食多些這類生果,有助對毛色更紅潤.
-
指天椒有增強免疫能力,含豐富維他命A
-
Strawberry & cherry 有多種殺蟲劑,含玫癌物質,多吃會令人?容易有內分泌失調 …. 而雀鳥更不應吃, 除非是有機的.
代替食物 …oranges, watermelon, blueberries, raspberries and kiwi”
-
吃蕉是可以增肥,但不可以過量和常吃,因蕉含有豐富鉀質,如果鸚鵡過量吸收,對於灰鸚,葵花類一些帶粉鸚鵡會減少毛粉生產,令保護力減低.而對一些沒有毛粉鸚鵡就會出現令肌肉抽筋
****待續****