茄菲篇
茄菲 - 係一隻被人遺棄係工業大廈門口的長毛混種波斯貓.最初見到佢在一個好大紙皮箱內,只放有一些玩具,一把梳子...而貓貓就好驚好長毛有點兒變髒...我差想佢不大,只有一歲多.我愛貓但我冇養過,我見到她,我就收養了,
佢第一日來到我家就處走避好驚...我慢慢給她食物,她好餓,一口氣食了一大兜貓糧,我對貓冇認識,每天給水和食物,我只去一些寵物店問問,我就自行幫她洗澡,剪腳甲,梳毛....漸漸佢對我親近,常常叫我抱了.
她到我家也有11年了,可算是老貓一隻,但佢一點也不像,愛睡醒叫人抱,我一回家一定要我抱一陣先錫一錫才不叫,愛在我就要出街前在我眼前行來行去,像要給我知,你出街,要掛住我一樣...好可愛也好悄皮
曾經有一次,茄菲走失了,我媽媽經常打開大門,本來茄菲只會行出門口離家不遠,她不敢走太遠,一叫佢佢就回來或如我不知關了門佢識大叫和用手爪門叫我地開門.........不過那次,我去了別人家住了2天,回來媽媽就說茄菲不見了,我好慌,快快一家一戶問,因我知茄菲好細膽,一定走不遠,一定係佢見到有小朋友(佢好驚小朋友),嚇走不知方向,我大叫她名.......好好彩...當我喊到不知點算好時....有一個婆婆和哥哥引茄菲去找我,叫我問是否那一隻時,我即時抱起她,茄菲一見我也即時撲在我身,佢好驚...原來得知佢整晚也躲走火門內...唔敢掂佢..見我大叫找貓,佢就叫個仔拍打門,引佢走出來...再叫我去捉...好開心好開心....我媽媽見了她也喊出來~~~~
2002年,茄菲跟我搬到新屋,可能天氣一年比一年炎熱,今年茄菲看上來好辛苦樣子,所以今年就帶牠去寵物店把濃密的毛毛剪短,呵~~~好可愛,好似一隻小獅子仔,看上去牠也舒服得多,還比以前開胃.
茄菲和我生活都有14年了,從未病過,不過年紀開始大,小毛病也多了一些,第一次帶牠去看獸醫,耳仔發炎,要食藥和定時洗耳,好彩只是小毛病,好快就康復了.
到了今年2005年,茄菲又有皮膚發炎,好痕癢,令茄菲不停抓癢,也要再去看獸醫,茄菲好乖,連醫生也讚,今次又只是小事,食藥就可以,不過就要茄菲帶3天頸圈避免茄菲用手抓,茄菲當然不喜歡,只要一見我就喵喵叫苦連天......冇法子,如果不帶就會不好,只好忍心吧!!!!
和茄菲去全身驗查,醫生都讚茄菲身體不錯,以一隻老貓來說算好好,我睇書說:貓有14-15年還活潑是不錯了,而且如果能過20大關是好少有,所以我希望茄菲可以做人瑞.